New Books 6th Standard: Important Notes of Science (Part 4)

விசையும் இயக்கமும் 

இந்தியா வானியியலாளர் ஆரிய பட்டர், வானில் உள்ள நட்சத்திரங்கள் கிழக்கிலிருந்து மேற்க்காக செல்வதாகத் தோன்றுவதால் , நிச்சியம்  பூமி மேற்கிலிருந்து கிழக்காகத்தான சுற்ற வேண்டும் என்று அனுமானித்தார்.

விசை என்பது என்ன?.

பொருட்களின் மீது உயிருள்ள அல்லது உயிரற்ற காரணிகளால் செயல்படுத்தப்படும் தள்ளுதல் அல்லது இழுத்தலே விசை எனப்படும்.

நேர்கோட்டு இயக்கம் 

பொருளானது நேர்கோட்டுப் பாதையில் இயங்கும் 

வளைவுப்பாதை இயக்கம்

பொருளானது முன்னோக்கி சென்றுகொண்டிருக்கும் தனது திசையைத் தொடர்ந்து மாற்றுக்கொண்டே இருக்கும். (எ .கா.) பந்தினை வீசுதல்.

வட்டப்பாதை இயக்கம் 

ஒரு பொருள் வட்டப்பாதையில் இயங்கும் 

தற்சுழற்சி இயக்கம் 

ஒரு பொருள் அதன் அச்சினை மையமாகக் கொண்டு இயங்குதல். (எ .கா.) பம்பரம் 

அலைவு இயக்கம்

• ஒரு பொருள் ஒரு புள்ளியை மையமாகக் கொண்டு ஒரு குறிப்பிட்ட இடைவெளியில் முன்னும் பின்னுமாகவோ அல்லது இடம் வலமாகவோ மாறி மாறி நகர்தல் . (எ .கா.) தனி ஊசல் 
• அலைவு இயக்கம் அனைத்துமே கால ஒழுங்கு இயக்கமாக அமையும் ஆனால் அணைத்து கால ஒழுங்கு இயக்கங்களும் அலைவு இயக்கமாகக் காணப்படாது.

ஒழுங்கற்ற இயக்கம் 

ஒரு ஈயின் இயக்கம் அல்லது மக்கள் நெருக்கம் மிகுந்த தெருவில் நடந்து செல்லும் மனிதர்களின் இயக்கம் .

கால ஒழுங்கு இயக்கம் 

புவியைச் சுற்றிய நிலவின் இயக்கம் கால ஒழுங்கு இயக்கமாகும்.

சீரான இயக்கம் மற்றும் சீரற்ற இயக்கம் 

குறிப்பிட்ட இடைவெளியில் சீரான வேகத்தில் இயங்கும் பொருளின் இயக்கத்தினை நாம் சீரான இயக்கம் என்றும், மாறுபட்ட வேகங்களில் இயங்கும் பொருளின் இயக்கத்தினை நாம் சீரற்ற இயக்கம் என்றும் அழைக்கிறோம்.

சிறுத்தையின் வேகம் 

தரையில் வாழும் விலங்குகளில் சிறுத்தையானது சராசரியாக 112 கிலோ மீட்டர் / மணி என்ற வேகத்தில் ஓடும் மிக வேகமான விலங்காகும்.